Bayern Munich ka bërë një kërkesë për informacion në lidhje me Nico Schlotterbeck të Borussia Dortmundit, sipas Sky Germany.

Raporti thekson se bavarezët kanë shprehur interesin e tyre, në rast se ai vendos të mos e zgjasë kontratën me Dortmundin.

Dortmundi është optimist që ai do ta rinovojë kontratën përtej vitit 2027 dhe pritet të bëhet një nga lojtarët më të paguar të klubit.

Një pagë bruto vjetore prej rreth 10 milionë eurosh po përflitet për qendërmbrojtësin 25-vjeçar, i cili ende nuk ka marrë një vendim përfundimtar.

Për më tepër, thashethemet që e lidhin Schlotterbeck me kampionët në fuqi të Ligës Premier, Liverpool, konsiderohen të pabaza.

Nuk ka plane konkrete nga Arne Slot dhe “The Reds” për të afruar mbrojtësin gjerman në dy afatet e ardhshme kalimtare./Telegrafi/